Novo detector de nomes propios para Opentrad

24/07/2009

Desde hoxe Opentrad dispón dunha nova ferramenta: apertium-pn-recogniser, que detecta e marca nomes propios no texto para que non se traduzan. Este proceso pretende evitar un erro moi frecuente nos tradutores automáticos: a tradución de nomes propios que tamén poden ser nomes comúns segundo os dicionarios. Este detector de nomes propios baséase principalmente no xa presente no proxecto Freeling. A integración no motor Apertium é o resultado dun proxecto conxunto da Universitat d'Alacant e da Universitat Politècnica de Catalunya, financiadas por imaxin|software e a Xunta de Galicia.